Su collidore de biscu

Pau Urgell

Casa editrice: Condaghes

Sinossi

Unu giòvanu remitanu – Jesús Deulofeu Amat – bivet collende biscu, linna sica, frùtora e cugumeddu bendende•los a sa gente comente càpitat, ma faghende pagos afàrios. Semus in Catalugna in sos tempos malos a pustis de sa gherra de Ispagna.
Una die lompet a su litu de Sant Gregori e, a pustis de oras de chirca de badas, s’arreschet in una lascura isulada chi paret màgica e in ue b’at un’opinu maestosu. S’àrbore agantzat sa manu de s’òmine cun su biscu suo, tratenende•lu e faghende•li bìvere una vida istesiada dae sos bisòngios umanos, ma ligada a sa sua.
Finas a cando, setant’annos a pustis, no l’iscoberint...

Disponibile da: 18/11/2014.

Altri libri che potrebbero interessarti

Segamentu de ancas

Zakaria Tamer

"Segamentu de ancas" est una regòllida de 63 contos essida in su 2002. Mancari pro su significadu polìticu de medas contos e pro unas cantas immàgines chi chistionant de sesso in manera crara, a cantu s’ischit custu libru est proibidu in Sìria e in Giordània e est una de sas regollidas de Zakaria Tamer prus pagu connotas e difìtzile de agatare in sas librerias. Su sesso, ammisturadu meda cun sa violèntzia e sa religione, est presente belle in cada contu comente s'istrategia narrativa chi custu iscritore impitat pro descrìere sa persone, sos trìulos de s'ànima e su disìgiu de libertade. Est curiosu chi custu iscritore non faeddet meda de polìtica in manera aberta, ma resessat semper a crarire sas contradditziones chi imbòrdulant sa polìtica, ammustrende episòdios ispantosos comente chi esserent normales, fintzas befende·si de una mentalidade chi cunsìderat su sesso cosa lègia e bruta, ma lassende·li s'ùrtima paràula a su letore.

Mostra libro