Otros libros que te pueden interesar

• 

  De Mann deen ëmmer laacht

  Joseph Kayser

  • 0
  • 0
  • 0

  Firwat ass e Mënsch esou, wéi en ass? Genen, Erzéiung, den Afloss vun de Matmënschen?
  Beim Clement S. ass et dat alles. An ufangs och bestëmmt den Drang, géint verschidden Zwäng ze kämpfen. Seng Pedanterie an säin Haass, seng Onfäegkeet, Empathie ze empfannen an seng eegen Opfaassung vu Gerechtegkeet maachen, dass hien sech ëmmer méi isoléiert. Hie gëtt net eens mat Fraen, ze ville Mënschen an enke Raim a Leit, déi anescht sinn ewéi hien. De System awer weess sech ze wieren an auszesënneren, wat net gutt ass fir den eegene Betrib. Da fällt den éischte Schnéi ...

  Ver libro

• 

  Perl oder Pica

  Jhemp Hoscheit

  • 0
  • 0
  • 0

  1963 huet den Norbi, e Bouf vun 12 Joer, keng grouss Wiel. Et ass bal alles verbueden, an iwwert déi meeschte Saache schwätzt een net. Et ginn déi Gutt oder déi Béis, déi Schwaarz oder déi Rout, den Himmel oder d?Hell ? Perl oder Pica, wéi d'Schrëfttypen vun de Schreifmaschinnen, déi de Papp verkeeft. 
  
  Den Norbi fënnt an der Agenda vu sengem Papp a regelméissegen Ofstänn e Buschtaf, de P. Dëse P stellt hie virun e grousst Rätsel. De Krich ass scho laang eriwwer, awer e geeschtert nach an de Käpp. E Besuch am Monument aux Morts mat der Klass ass wéi e Choc. A wann de P da fir Preis stéing? Fir e Gielemännchen?.
  
  Perl oder Pica beschreift eng Lëtzebuerger Kandheet. Et geet ëm d'Sich no der Frëndschaft an der Wourecht, aus der naiver a witzeger Siicht vun engem Bouf. 
  Doriwwer eraus, ass de Roman eng Lëtzebuerger Chronik aus de 60er Joren, enger zimlech onkomplizéierter Zäit, déi dem Erzieler awer ongerecht a verluge virkënnt.

  Ver libro

• 

  Prinzessin Charlotte

  Joseph Kayser

  • 0
  • 0
  • 0

  De Fränz huet 12 Joer, wéi en am Hierscht 1976 an d’Stad an d’Schoul geet. De grousse Brudder ass schonn aus dem Haus, d’Schwëster schafft an ass seelen doheem. Am Elterenhaus leeft esou muenches dernieft an de Fränz plangt, heemlech fortzelafen, op Murmansk, eraus aus all deem, wat hien esou bedréckt. Ma ob dës Rees um Enn tatsächlech Realitéit gëtt?
  D’„Prinzessin Charlotte” ass keng Prinzessin, ma dem Fränz seng Tatta, déi an der Psychiatrie gelant ass. Hir Geschicht gëtt parallel zur eigentlecher Handlung erzielt a steet stellvertriedend fir dat, wat am Fränz senger Famill net esou ass, wéi et soll sinn.

  Ver libro

• 

  iwwer land

  Nico Helminger

  • 0
  • 0
  • 0

  iwwer land (1998) gehéiert, nom Roman frascht (1990), zum Nico Helminger (geb. 1953) senge fréien Erzielwierker. Et ass eng Sammlung vun néng Kuerzgeschichten op Lëtzebuergesch, déi an den 1980er an 1990er Joren entstane sin. An hirem Mëttelpunkt sti Mënschen, deenen hir individuell Entfriemung an hir dacks tragikomesch Liewenssituatiounen och Symptomer vun enger Gesellschaft sinn, déi um Enn vum 20. Joerhonnert an engem epochalen Ëmbroch war. 
   „en ausflug op d’land, leit, déi no engem begriefnis op d’schueberfouer gin, een, dee mam éischte mee nët eens gët, een, deen op sénger rees uerg un d’schleidere kënnt, anerer, déi nuechtelaang op der sich sin, no wat och ëmmer ... geschichten iwwer leit, déi ënnerwee sin an dach op der plaz trëppelen, leit, déi aus hirer haut wëllen a sech dobäi op déi drolegst manéiere verrennen ...“ (Klappentext vun iwwer land, éditions phi, Iechternach, 1998)

  Ver libro

• 

  De Fäert-Uasch - Ze léif fir dës...

  Cathy Clement

  • 0
  • 0
  • 0

  Wat d’Maude méi grouss a verstänneg gëtt, wat seng Famill him méi Kappzerbrieches bereet. „Hunn déi all de Klimpi vreckt oder sinn ech net normal?!“, freet hatt sech. An der Schoul sinn och vill Toperten ënnerwee an d’Maude zitt sech ëmmer méi zeréck a seng eege Welt. Mee hatt ass net eleng. Zanter senger Gebuert ass e klengt Monster extra fir hatt do. Ëmmer, wann d’Maude veronséchert gëtt, wiisst säi Monster, bis et op eemol esou grouss gëtt, dass déi zwee sech richteg kenneléieren. Vun do u weess d’Maude, dass et net eleng duerch d’Liewe geet, mee wie wëll scho permanent e „Fäert-Uasch“ bei sech hunn?

  Ver libro

• 

  Dräi Läichen zu Koplescht

  Rich Ruppel

  • 0
  • 0
  • 0

  E Seriemaerder gett gesicht.
  
  De Kommissär Jos Mathes a seng Equipe kréien enges Daags d’Noriicht, datt d’Läich vun enger Fra zu Koplescht fonnt gouf. Si maachen sech direkt op de Wee dohin, fi r esou vill wéi méiglech Informatiounen ze kréien.
  Eng gutt Woch méi spéit gëtt nees eng Fraeläich entdeckt.
  Et gëtt festgestallt, datt den Täter déi zwou Fraen nom selwechte Muster ëmbruecht huet, fir se duerno op déiselwecht Plaz, nämlech e géien Hank bei engem Floss, erofrëtschen ze loossen.
  Wat kann dat bedeiten?
  E Seriëmäerder dreift also säin Onwiesen an der Ëmgéigend vu Koplescht.
  Ginn et nach méi Affer?

  Ver libro